चमेलिया उद्घाटनको औपचारिक तयारी गरिदै

दार्चुला समाचार,,
प्रदेश नम्बर ७ मा निर्माण सम्पन्न भएको अहिलेसम्मकै ठूलो जलविद्युत आयोजना चमेलियाको माघ २७ गते उद्घाटन हुने निश्चित भएको छ । प्रधानमन्त्री शेरवहादुर देउवाले उद्घाटन गर्ने कार्यक्रम तालिका बनेपछि आवश्यक तयारीका लागि गृह मन्त्रालयबाट जिल्लास्थित स्थानीय प्रशासनलाई सर्कुलर आएको छ ।
आजै जिल्ला सुरक्षा समितिको बैठक बसेर चमेलिया उद्घाटन कार्यक्रमको सुरक्षा प्रबन्धबारे छलफल गरिएको प्रमुख जिल्ला अधिकारी जनार्दन गौतमले बताउनुभयो । प्रधानमन्त्रीको भ्रमण हुने भएपछि उच्च सुरक्षा व्यवस्थापनको गृहकार्य हुन लागेको हो ।
दार्चुलास्थित चारवटै सुरक्षा निकायको टोली कार्यक्रमको सुरक्षामा परिचालन गर्ने निर्णय गरिएको प्रजिअ गौतमले जानकारी दिनुभयो । चमेलिया जलविद्युत आयोजनास्थलमा सशस्त्र प्रहरीको टोली पहिलेदेखि नै राखिएको छ । जिल्लास्थित नेपाली सेनाको गुल्मबाट समेत सुरक्षाटोली चमेलियाको आयोजनास्थलमा परिचालन गरिने भएको छ । नेपाल प्रहरीले गोकुलेश्वर, लटिनाथलगायत अन्य प्रहरी युनिटबाट समेत थप सुरक्षाकर्मी चमेलियाको आयोजनास्थलमा परिचालन गर्ने तयारी गरेको छ ।
११ वर्षदेखि निर्माणाधिन ३० मेगावाट क्षमता चमेलिया जलविद्युत आयोजनाको उद्घाटन माघ २७ गते विहान साढे ११ बजे राखिएको छ । प्रधानमन्त्री देउवाका साथै उपप्रधान तथा ऊर्जा मन्त्री कमल थापा र अर्का मन्त्री जयन्त चन्द पनि चमेलियाको उद्घाटनमा आउने भएका छन् ।
काठमाण्डौबाट माघ २७ गते विहान प्रधानमन्त्री र ऊर्जा मन्त्रीसहितको टोली हवाइजहाजमार्फत नेपालगञ्ज आउनेछ । नेपालगञ्जबाट दुइटा हेलिकोप्टरमार्फत प्रधानमन्त्री र ऊर्जामन्त्रीको टोली चमेलियाको आयोजनास्थल पुग्नेछ । चमेलियाको आयोजनास्थल बलाँचमा दुइटा हेलिप्याड निर्माण गरिएका छन् । एउटा हेलिप्याड पहिल्यैदेखि बनाइएकोमा अर्को नयाँ हेलिप्याडको समेत निर्माण भएको चमेलिया जलविद्युत आयोजनका प्रमुख अजयकुमार दाहालले बताउनुभयो ।
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य