एउटै योजनाको सुरुवात गर्ने र उद्घाटन गर्ने पहिलो व्यक्ति मै हुँ ः देउवा ।।

दार्चुला समाचार ,,
प्रधानमन्त्री शेरवहादुर देउवाले चमेलिया जलविद्युत आयोजनाको सुरु आफुले गरेको बताउदै आफुले नै आयोजनाको उदघाटन गर्ने अवसर पाएको बताएका छन् । नेपालमा एउटै योजनाको सुरु र निर्माण सम्पन्न भएपछि उद्घाटन गर्ने पहिलो व्यक्ति आफु भएको उहाँले बताउनुभएको छ । चमेलिया जलविद्युत आयोजनाको शनिवार शैल्यशिखर नगरपालिकाको वडा नम्बर १ बलाँचमा उदघाटन गर्दै प्रधानमन्त्री देउवाले यस्तो बताएका छन् । विकास निर्माणका योजनाहरु एउटाले सुरु गर्ने र अर्को व्यक्तिले उद्घाटन गर्ने प्रवृतिप्रति प्रधानमन्त्रीको भनाई लक्षित थियो । 
आफु सुदूरपश्चिममै जन्मेहुर्केकाले यहाँको वस्तुस्थिति र आवश्यकताबारे आफुलाई धेरै जानकारी भएको उहाँले बताउनुभयो । २०३६ र २०४७ सालमा आफुले दार्चुलाका चप्पीचप्पी भ्रमण गरेको उहाँले स्मरणसमेत गर्नुभयो । जलस्रोतमा सबभन्दा धनी प्रदेश भएकाले सुदूरपश्चिमको विकासको ढोका खोलिएको देउवाको भनाई छ । २० हजार मेगावाट विद्युत उत्पादनको सम्भावना सुदूरपश्चिममा भएको बताउदै प्रधानमन्त्रीले नीजिक्षेत्रलाई लगानी गर्न आव्हानसमेत गर्नुभएको छ । 
चमेलिया नदीकै वरिपरी धेरै सम्भावना रहेको देउवाको भनाई छ । आयोजनामा पहिलो हक स्थानीय भएकोले स्थानीयका माग र आवश्यकताका लागि सम्बोधन गर्ने भनाई प्रधानमन्त्रीको छ । 
थोरै अतिथिलाई सम्बोधन 
चमेलिया जलविद्युत आयोजना उद्घाटन कार्यक्रमका प्रमुख अतिथि रहनुभएको प्रधानमन्त्रीले आफ्नो सम्बोधनको सुरुवातीमा धेरै कम अतिथिलाई सम्बोधन गर्नुभयो । कार्यक्रमको अध्यक्षता गरिरहनुभएका ऊर्जा सचिव अनुप उपाध्यायलाई देउवाले सम्बोधन गर्नुभएन । 
मन्तव्यको सुरुवातीमा उपप्रधानमन्त्री कमल थापा, ऊर्जा राज्यमन्त्री, राष्टिय योजना आयोगका सदस्य र कोरियन राजदूतलाई मात्रै प्रधानमन्त्रीले सम्बोधन गर्नुभयो । देउवाले सम्बोधन सुरु गर्दा कोरियन राजदूत भने मञ्चबाट बाहिर थिए । मञ्चमा प्रदेश प्रमुख, विशिष्ट श्रेणीका सरकारी अधिकारी र राजनीतिक क्षेत्रका नेतृत्व उपस्थित थिए । तर प्रधानमन्त्री देउवाले सबैलाई सम्बोधन गर्नुभएन । 
लिखित भाषण पढिएन
प्रधानमन्त्री देउवाले चमेलियाको उद्घाटन कार्यक्रमका लागि लिखित भाषण बोकेका थिए । तर सम्बोधनको प्रारम्भ गर्दै उहाँले आफु लिखित भाषण पढनतर्फ नलाग्ने बताउनुभयो । लिखित भाषण नपढी आफ्नो भनाई राख्छु भन्दै प्रधानमन्त्रीले सम्बोधनलाई निरन्तरता दिनुभयो । पानीबाट उत्पादित विद्युतको महत्वबारे देउवाले भनाई राख्नुभयो । न्युन वातावरणीय प्रभाव पर्ने आयोजनाबारे प्रधानमन्त्रीले मौखिक भनाई राख्नुभयो । केही वाक्य भने फेरि उहाँले लिखित मन्तव्य राख्नुभएको थियो । 
मन्त्रीहरु र राजदूत केही मिनट मात्रै मञ्चमा
चमेलियाको उद्घाटन समारोहमा प्रधानमन्त्रीसहित ५ जना मन्त्रीहरुको सहभागिता रहेको थियो । उद्घाटन कार्यक्रमअन्तर्गत आसनग्रहण गराइएको केही मिनेटमै प्रधानमन्त्री र उपप्रधानमन्त्रीबाहेक अरु सबै मन्त्री मञ्चबाट बाहिर निस्किए । 
कोरियन राजदूतले पनि आफ्नो मन्तव्य राख्नेवित्तिकै मञ्च छोडेका थिए । मञ्चबाट बाहिरिएका मन्त्रीहरु र कोरियन राजदूत सम्भवतः पावरहाउस र आयोजना संरचनाको अवलोकनमा निस्केको थिए । 
काग्रेस नेता एवं पूर्व पार्टी प्रवक्ता दिलेन्द्रप्रसाद बडू पनि मञ्चमा धेरै बस्नुभएन । उदघाटन कार्यक्रम छोटो हुने र धेरै कम अतिथिले मात्रै मन्तव्य राख्ने अवस्था देखेपछि मञ्चबाट मन्त्री र अतिथिहरु बाहिर निस्केका देखिन्थे । चमेलियाको उद्घाटनमा प्रधानमन्त्री, उपप्रधानमन्त्री कमल थापा, ऊर्जा राज्यमन्त्री, राज्यहरु नरवहादुर चन्द र जयन्त चन्द सहभागि हुनुहुन्थ्यो ।  
कमल थापाले गरे कुलमानको प्रसंसा 
चमेलियाको उद्घाटनमा सहभागि उपप्रधान एवं ऊर्जा मन्त्री कमल थापाले नेपाल विद्युत प्राधिकरणका कार्यकारी निर्देशक कुलमान घिसिङको प्रसंसा गर्नुभएको छ । लामो समयदेखि लोडसेडिङ भोगिरहेको मुलुक र जनतालाई लोडसेडिङबाट मुक्ति दिएकोमा घिसिङको प्रसंसा गरिएको हो । विद्युत प्राविधिकरणको नेतृत्वकर्ता र प्राविधिकहरुका कारण लोडसेडिङको गम्भीर समस्या हल भएको उहाँले बताउनुभयो । केही महिनाभित्र चमेलिया आयोजना वरिपरीको क्षेत्रमा विद्युत सेवा विस्तार गर्न समेत उपप्रधानमन्त्री थापाले प्राविधिकरण व्यवस्थापनलाई आग्रह गर्नुभयो । 
विद्युत् र पिछडीएको क्षेत्रमा राख्न माग गर्दै शेरीका स्थानियद्धारा प्रधानमन्त्रीलाई ज्ञापन 
चमेलिया जलविद्युत् निर्माण गर्दा प्रभावित क्षेत्रमा रहेको साविकको शेरी गाविसका स्थानियहरुले आयोजना स्थलमै आएर प्रधानमन्त्री शेरबहादुर देउवालाई ज्ञापन पत्र बुझाएका छन् । आयोजनाको ड्याम साइटसंग जोडिएको मार्मा गाउँपालिका वडा नम्बर ६ शेरीका स्थानियले प्रधानमन्त्रीलाई विद्युत् लाईन विस्तारको माग गर्दै ज्ञापन पत्र बुझाएका हुन् ।
जिल्लामै उत्पादित विद्युत् बाल्न नपाउनु दार्चुलाबासीको लागि दुःखद भएको भन्दै यथाशिघ्र विद्युत् सेवाको माग गर्दै ज्ञापन पत्र बुझाएको स्थानियले बताएका छन् । शेरीमा विद्युत् लाईन विस्तारको लागि जनप्रतिनिधि तथा राजनीतिक दलहरु मौन रहेको भन्दै स्थानियहरु मिलेर ज्ञापन पत्र बुझाएको उनीहरुको गुनासो छ । त्यसैगरी चमेलिया नदी किनारमा तटबन्ध निर्माण गर्न माग समेत स्थानियहरुको छ ।
त्यस्तै मार्मा गाउँपालिकालाई पिछडिएको क्षेत्रको सूचीमा राख्न माग गर्दै प्रधानमन्त्रीलाई ज्ञापन पत्र बुझाएका छन् । प्रधानमन्त्री शेरबहादुर देउवाले नै दार्चुला जिल्लालाई सुगम जिल्लाको सूचिमा राखेको प्रति दुःख व्यक्त गर्दै मार्मा गाउँपालिका पिछडिएको क्षेत्रमा राख्न माग गरेका छन् । साथै होपरीगाड–सिप्टी–तपोवन सडक यथाशिघ्र सञ्चालनको माग समेत गरेका छन् । जुन सडक निर्माणका लागि नौगाढ गाउँपालिकाले १ करोढ बजेट विनियोजन गरेको छ ।
त्यसैगरी शैल्यशिखर नगरपालिकाका नगरप्रमुख अमरसिँह धामीले समेत विभिन्न माग गर्दै प्रधानमन्त्रीलाई ज्ञापन पत्र बुझाएका छन् । त्यसैगरी नेपाली कांग्रेस जिल्ला कार्यसमिति सभापति ललित सिँह बोहराले पनि गोकुलेश्वर विमान स्थल पुनः निर्माण गरि हवाई सेवा सञ्चालनको माग गर्दै ज्ञापन पत्र बुझाएका छन् ।
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य