जिल्लास्तरका सरोकारवाला र पत्रकारसंग अन्तरक्रिया।।

दार्चुला समाचार ,,
आगामी फागुन १२ गते खुवाइने हात्तीपाइले रोगको औषधि वितरण सम्बन्धि जिल्लास्तरका सरोकारवाला र पत्रकारहरुसंग अन्तरक्रिया गरिएको छ । जिल्ला स्वास्थ्य कार्यालयले आयोजना गरेको अन्तरक्रियामा औषधि वितरणको तयारी, व्यवस्थापन र प्रभावकारिताबारे जानकारी दिइएको छ ।
सोमबार विहान पत्रकारहरुसंग भएको अन्तरक्रियामा औषधि वितरण कार्यक्रममा मिडियाको भूमिकाबारे समेत छलफल गरिएको छ । नेपाल पत्रकार महासंघ दार्चुलाका अध्यक्ष शंकरसिह धामीको अध्यक्षतामा भएको अन्तरक्रियामा जिल्ला स्वास्थ्य कार्यालय दार्चुलाका प्रमुख डा. रविरञ्जन शाहले हात्तीपाइले रोगको संक्रमण तथा उपचार एवं रोकथामबारे जानकारी गराउनुभएको छ ।
जनस्वास्थ्य अधिकृत नरेन्द्रराज जोशीले हात्तीपाइले रोगको औषधि वितरण कार्यक्रमको तयारी तथा व्यवस्थापनबारे जानकारी दिनुभएको छ । कार्यक्रममा खोप सुपरभाइजर हरिश भट्टले सहजिकरण गर्नुभएको थियो ।
त्यसैगरी, सोमबार अपरान्ह जिल्लास्थित सरोकारवालालाई पनि कार्यक्रमबारे जानकारी गराइएको छ । जिल्ला समन्व्य समितिका प्रमुख करवीरवहादुर कार्कीको अध्यक्षतामा भएको कार्यक्रममा प्रमुख जिल्ला अधिकारीलगायत कार्यालय प्रमुखहरु र राजनीतिक दलका नेता तथा सामाजिक क्षेत्रका प्रतिनिधिहरुको सहभागिता रहेको थियो ।
नगरपालिका र गाँउपालिकास्तरका साथै स्थानीय तहका सबै वडास्तरमा समेत हात्तीपाइले रोगको औषधि वितरण सम्बन्धि अन्तरक्रिया गरिने जनस्वास्थ्य अधिकृत नरेन्द्रराज जोशीले जानकारी दिनुभयो ।
हात्तीपाइले कार्यक्रमको खर्च झण्डै ५० लाख
दार्चुलामा हात्तीपाइले रोगको औषधि वितरण कार्यक्रममा करिब ५० लाख रुपैयाँ खर्च हुने भएको छ । जिल्ला स्वास्थ्य कार्यालयका अनुसार कार्यक्रमको तयारी, व्यवस्थापन, जनशक्ति परिचालन, प्रसार प्रसारमा यो बजेट खर्च हुनेछ ।
फागुन १२ गते औषधि खुवाउने कार्यक्रम छ । कार्यक्रमका लागि आवश्यक व्यवस्थापन, तयारी, समन्वय र अन्तरक्रियाका लागि १५ लाख ५५ हजार रुपैयाँ खर्च हुँदैछ । स्वास्थ्यकर्मीहरुको परिचालन तथा तालिम र योजना गोष्ठीमा १५ लाख ५५ हजार खर्च हुनेछ । स्वयंसेवक परिचालनमा १८ लाख रुपैयाँ खर्च हुनेछ भने मिडिया परिचालनमा १ लाख रुपैयाँ बजेट रहेको जनस्वास्थ्य अधिकृत नरेन्द्रराज जोशीले बताउनुभयो ।
औषधि वितरण कार्यक्रममा जिल्लाभरी ३ सयभन्दा बढी स्वास्थ्यकर्मी र ७ सय ३८ जना स्वयंसेवक परिचालन गरिने भएका छन् ।
 
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य