काठेपुल सञ्चालन केन्द्र सरकारको अनुमतिपछि मात्रै सञ्चलन गर्न पाउने ।।

नयाँ नेपाल समाचार दार्चुला।।
नेपाल र भारतका अधिकारीहरुबीच महाकाली नदीमा केन्द्र सरकारको अनुमति पाएपछि मात्रै अस्थायी रुपमा काठेपुल सञ्चालन गर्ने सहमति भएको छ । आज पिथौरागढमा भएको सीमा बैठकमा पिथौरागढ र दार्चुलाका अधिकारीहरुबीच यस्तो सहमति भएको हो ।
भारतीय पक्षले एकतर्फी रुपमा राप्लाको दुम्लिङभन्दा उत्तरतर्फको क्षेत्रमा बनाएका काठेपुल अवैध भएको र नेपालको सहमति विना बनाइएकोमा नेपाली अधिकारीहरुले भारतीय पक्षको ध्यानाकर्षण गराएका छन् । बैठकमा भारतीय पक्षका नेतृत्वकर्ता एवं पिथौरागढका डिएम सि रविशंकरले आफ्नो पक्षबाट कमजोरी भएको स्वीकारेका थिए ।
दुबै देशका अधिकारीहरु नेपाल र भारतको केन्द्र सरकारको स्वीकृतिपछि मात्रै काठेपुल अस्थायी रुपमा सञ्चालन गर्न सहमत भएको दार्चुलाका प्रमुख जिल्ला अधिकारी जनार्दन गौतमले बताउनुभयो । आफुसंग अर्को विकल्प नभएकाले नेपाली भूमि भएर भारतीय नागरिक र कैलाश मानसरोवर यात्रा गर्न प्रस्ताव गरिएको पिथौरागढका डिएम सि रविशंकरले बताउनुभयो । दुबै देशका अधिकारीहरुले आआफ्नो केन्द्र सरकारसंग काठेपुल र नेपाली भूमिको बाटो प्रयोगबारे स्वीकृतिको लागि पहल गर्ने उहाँले बताउनुभयो ।
भारतको गृह मन्त्रालयअन्तर्गत रहेको स्टेन्डिङ कमिटीमा छलफल गरी विदेश मन्त्रालय र काठमाण्डौस्थित भारतीय राजदूतावासमार्फत यसलाई छिटो टुंगोमा पुर्याउन पहल गरिने डिएम रविशंकरले बताउनुभयो ।
दुई देशबीच अस्थायी रुपमा काठेपुल निर्माण र नेपाली भूमिमा गोरेटो बाटो निर्माण गरी आवतजावत सञ्चालन गर्न केन्द्रबाट स्वीकृति भएपछि काठेपुल र नेपालको गोरेटो बाटो सञ्चालनमा आउने भएको छ । केन्द्र सरकारको स्वीकृति प्राप्त भएपछि केही समयका लागि अस्थायी रुपमा मात्रै काठेपुलको प्रयोग गरिने प्रमुख जिल्ला अधिकारी गौतमको भनाई छ ।
नेपाली टोलीको कडा प्रस्तुति
सीमा बैठकमा नेपाली पक्ष कडा रुपमा प्रस्तुत भएको छ । भारतीय पक्षले आफुसंग छलफल र सहमति नगरेर काठेपुल र बाटो निर्माण गरेको भन्दै नेपाली अधिकारीहरुले भारतीय समकक्षीसंग प्रश्न उठाएका थिए ।
बैठकको सुरुमा पिथौरागढका डिएम सि रविशंकरले स्वागत मन्तव्य राख्नुभएको थियो । त्यसलगत्तै नेपाली टोलीका नेता एवं दार्चुलाका प्रमुख जिल्ला अधिकारी जनार्दन गौतमले भारतले विना सहमति संरचना निर्माण गरेको भन्दै आपत्ति जनाएका थिए । आफुहरुसंग भारतीय पक्षबाट एकतर्फी निर्माण गरिएका संरचनाका फोटो र भिडियो समेत रहेको बताउदै उहाँले नेपाल सरकारको स्वीकृति विना सीमा क्षेत्रमा संरचना निर्माण र सञ्चालन गर्न नसकिने बताउनुभयो ।
नेपाली पक्षको भनाईपछि पिथौरागढका डिएम सि रविशंकरले धारचुलाका एसडिएम राजकुमार पाण्डे र लोक निर्माण विभागका अधिकारीसंग जानकारी मागेका थिए । बैठकमा डिएम रविशंकरले नेपालको अनुमति विना संरचना भएकोमा कमजोरी भएको स्वीकारेका थिए । सम्बन्धित निकाय र अधिकारीलाई यसबारे स्पष्टिकरण सोधेर कारवाही गर्ने प्रतिवद्धता समेत डिएमले गर्नुभएको बैठकमा सहभागी एक नेपाली अधिकारीले बताउनुभयो ।
सीमा बैठकले धारचुलाको खोतिलास्थित सुख्खा पहिरो व्यवस्थापनका लागि दुबै देशका अधिकारीले प्राविधिक अध्ययन गर्ने निस्कर्ष निकालेको छ । बैठकमा सहभागी महाकाली नदी नियन्त्रण आयोजनाका प्रमुख सुशीलचन्द्र देवकोटाले लामो समयदेखि भारतीय पक्षले सुख्खा पहिरोका ढुंगा नहटाएकोमा प्रश्न गर्नुभएको थियो । यसअघिको छलफल र सहमति अनुसार भारतीय पक्षबाट काम नभएको प्रश्न उठाएपछि यसबारे तत्काल प्राविधिक टोलीले स्थलगत निरीक्षण गरी काम गर्ने सहमति गरिएको छ ।
मित्रताको स्मृतिमा विरुपा रोपियो
सीमा बैठक सकिएपछि पिथौरागढ र दार्चुलाका अधिकारीहरुले मित्रताको स्मृतिमा धुपी सल्लोको विरुपा रोपेका छन् । दुई देशको घनिष्ठ सम्बन्ध र मित्रताको प्रतिकका रुपमा विरुपा रोपिएको हो ।
पिथौरागढस्थित पर्यटक आवाश गृह परिसरमा विरुवा रोपिएको हो । वातावरण संरक्षण सन्देश दिन पनि विरुपा रोपिएको प्रमुख जिल्ला अधिकारी जनार्दन गौतमले बताउनुभयो । पिथौरागढका डिएम सि रविशंकर र प्रजिअ गौतमले संयुक्त रुपमा विरुपा रोप्नुभएको हो । पिथौरागढका एसपी अजय जोशी, मुख्य विकास अधिकारी कुमारी बन्दनाले पनि रोपिएको विरुपामा पानी हालेका थिए ।
विरुपा रोप्दै प्रमुख जिल्ला अधिकारी गौतमले आफु दोस्रो पटक आउदा अहिले रोपिएको विरुपामा पानी हाल्न पाउने आशा राख्नुभयो । पिथौरागढका डिएम सि रविशंकरले विरुवा रोपिएको ठाँउमा नेपाल र भारतको मित्रताको प्रतिक जनाउने बोर्ड राख्न अधिकारीलाई निर्देशन दिनुभयो ।
नेपाली मिडियाप्रति गुनासो
भारतीय अधिकारीहरुले महाकाली नदीमा बनाइएका काठेपुलको विषयलाई नेपाली मिडियालाई बढी महत्व दिएर सार्वजनिक गरेको भन्दै गुनासो गरेका छन् । बैठकपछि पर्यटक आवाश गृहमा आयोजित दिवाभोज (लन्च) पछि भारतीय अधिकारीले यस्तो गुनासो गरेका हुन् ।
नेपाल पत्रकार महासंघ दार्चुलाका अध्यक्ष शंकरसिह धामीसंग धारचुलाका एसडिएम राजकुमार पाण्डेले सामान्य विषयलाई मिडियामा ठूलो महत्व दिइएको बताउनुभयो । अध्यक्ष धामीले दुई देशको सीमाक्षेत्रमा नेपालको सहमति विना संरचना बनाइएकाले मिडियाले समाचार बनाएको प्रतिक्रिया दिनुभयो ।
दुई देशको घनिष्ठ सम्बन्ध र एकआपसको निर्भरतालाई ख्याल गर्न एसडिएम पाण्डेले सुझाव दिनुभयो । पिथौरागढका एसपी अजय जोशीले पनि महासंघ अध्यक्ष शंकरसिह धामीसंग सीमाक्षेत्रका सामान्य विषयलाई नेपाली मिडियालाई बढी चर्चाको विषय बनाएको प्रतिक्रिया दिनुभयो ।
नेपालका सञ्चारमाध्यमले आफ्नो व्यवसायिक र राष्ट्रियताको धर्म निर्वाह गरेको पत्रकार प्रेम चुनाराको प्रतिक्रिया छ । नेपाली पत्रकारहरुसंगको कुराकानीमा पिथौरागढका डिएम सि रविशंकरले काठेपुल र नेपालको बाटो प्रयोग गर्नुपर्ने भारतीय पक्षको बाध्यता भएको बताएका छन् । यद्यपि नेपाली पक्षको सहमतिविना संरचना बनाउनु दुखद् भएको उहाँको प्रतिक्रिया छ ।
 

भुकम्पीय जोखिम न्युनीकरण गर्न कमद चाल्नु पर्छः विभागीय अधिकृत

दार्चुला समाचार नेपाल रेडक्रस सोसाइटी केन्द्रीय कार्यालय विपद् व्यवस्थापन शाखाका वरिष्ठ अधिकृत डिपिडिआरआरका कार्यक्रम संयोजक भोजराज धिमिरेले

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

महाकाली नदी किनारमा निर्माणाधिक तटबन्धको अनुगमन भ्रमण

दार्चुला समाचार ,, चार वर्षअघिको महाकाली वाढीबाट क्षतिग्रस्त महाकाली नदी किनारमा निर्माणाधिक तटबन्धको अनुगमन भ्रमण गर्ने राज्यमन्त्रीहरुको टोली