उत्तरी तिंकर नाका सञ्चालनका लागि प्रतिनिधिसभा सांसद ठगुन्नाद्धारा परराष्ट्र मन्त्रालयलाई ज्ञापन ।।

नयाँ नेपाल समाचार दार्चुला ।
नेपाल–चीन जोड्ने उत्तरी नाका तिंकर नाका सञ्चालनका लागि प्रतिनिधिसभा सदस्य गणेशसिँह ठगुन्नाले परराष्ट्रमन्त्री प्रदीप ज्ञवालीलाई ज्ञापन पत्र बुझाएका छन् । 
दार्चुला जिल्ला सदरमुकाम खलंगाबाट १ सय १० किलोमिटरको दुरीमा रहेको तिंकर नाका सञ्चालन गर्न प्रतिनिधि सभा सदस्य गणेशसिँह ठगुन्नाले परराष्ट्रमन्त्री ज्ञवालीलाई भेटेरै ज्ञापन पत्र बुझाएका हुन् ।
दार्चुला जिल्लाबाट चीनको ताक्लाकोट व्यापारिक नाका जोड्ने तिंकर नाका प्रदेश नम्बर ७ कै छोटो तथा परम्परागत रुपमा सञ्चालन भएको नाका भएकाले यथाशिघ्र सञ्चालन गर्न परराष्ट्रमन्त्री प्रदीप ज्ञवालीलाई अनुरोध गरेका हुन् । 
दार्चुला जिल्लाको तिंकर नाकालाई व्यापारिक तथा धार्मिक पर्यटकीय नाकाको रुपमा सञ्चालन गर्न सके प्रदेश नम्बर ७ को मात्रै नभई सिंगो राष्ट्रको समृद्धिमा टेवा पुग्ने भन्दै उक्त नाका सञ्चालनमा प्रतिनिधिसभा सदस्य ठगुन्नाले जोड दिनु भएको हो । 
परम्परागत रुपमा स्थानीय नागरिकहरुले पवित्रतीर्थ स्थल कैलशा मानसरोबर यात्रा गर्दै आएको भएपनि औपचारिक रुपमा अनुमति नदिएको उक्त नाका सञ्चालन गर्न सके कैलाश मानसरोबरयात्रीहरु पनि नेपाल भित्रिने भएकाले देश समृद्धिमा टेवा पुग्ने दार्चुलाबाट प्रतिनिधिसभा सदस्यमा निर्वाचित सांसद गणेशसिंह ठगुन्नाले बताउनु भयो ।
ज्ञापन पत्र बुझाए पश्चात् परराष्ट्रमन्त्री प्रदीप ज्ञवाली तिंकर नाका खोल्न सकरात्मक रहेको सांसद ठगुन्नाले बताउनु भयो । तिंकर नाकालाई व्यापारिक तथा धार्मिक नाको रुपमा कैलाश मानसरोबरको प्रबेश द्वारको रुपमा विकास गर्न परराष्ट्रमन्त्री  सकरात्मक देखिएका छन् । निकट भविष्यमा हुने चीन भ्रमणमा उक्त नाका सञ्चालन बारे प्रस्ताव राख्ने परराष्टमन्त्री ज्ञवालीले प्रतिबद्धता गर्नु भएको छ ।
दार्चुला तिंकर सडक सञ्चालन गरी चीन संग जोडिएको उत्तरी तिंकर नाका सञ्चालन गरे दार्चुला जिल्लाको समग्र विकासमा टेवा पुग्ने प्रदेश सांसद गेल्बुसिँह बोहराले बताउनु भयो । यसअघिको देउवा सरकारले दार्चुला जस्तो विकट जिल्लालाई सुगम बनाएकाले अहिलेको सरकारले दार्चुलालाई प्राथमिकता दिनुपर्ने उहाँको भनाई छ । त्रीदेशीय सीमा क्षेत्रमा रहेको दार्चुला जिल्लाको व्यापारिक तिंकर नाका सञ्चालन गरी दार्चुला तथा सिंगो ७ नम्बर प्रदेशको विकासमा टेवा पुगाउनु पर्ने प्रदेश सांसद बोहराको भनाई छ । तिंकरनाका सञ्चालन गर्न सके भारतको बाटो भएर कैलाश मानसरोबरको दर्शन गर्न जाने तीर्थयात्रीहरु नेपाल भित्रिने र नेपालको अर्थतन्त्रमा सहयोग पुग्ने सांसद बोहराले बताउनु भयो । तिंकर नाका दार्चुलाको लागि मात्रै नभई सिंगो राष्टको समृद्धिको लागि भएकाले राष्ट्रको समृद्धिको ढोका खोल्न तिंकर नाका खोल्नु आबश्यक रहेको साँसद बोहराले धारणा व्यक्त गर्नु भयो ।
तिंकर नाका सञ्चालनको माग गर्दे ज्ञापन पत्र बुझाउन प्रतिनिधिसभा सदस्य गणेशसिँह ठगुन्नाको नेतृत्वमा गएको टोलीमा राष्ट्रिय परिषद पूर्व सदस्य हरदेव जोशी, व्यवसायी एवं समाजसेवी परमानन्द पाण्डेय, समाजसेवी भाष्कर लाला, व्याँस गाउँपालिकाका एमाले नेता दिलिपसिँह डडाल, वाईसिएल केन्द्रिय सदस्य मञ्जु बम, व्याँस गाउँपालिका वडा नम्बर ३ का वडाध्यक्ष उपेन्द्र कुवँर लगायतको सहभागिता रहेको थियो ।
 

नयाँ सरकार गठनको बाटो खोलिदिन एमाले सचिव ज्ञवालीको आग्रह ।।

समाचार  नेकपा एमालेका सचिव प्रदीप ज्ञवालीले निर्वाचनबाट ताजा जनादेश आइसकेकाले नयाँ सरकार गठनको बाटो खोलिदिन काग्रेसलाई आग्रह गर्नुभएको छ । प्रेस

हतोत्साहित नहुन मन्त्रीद्धयद्धारा कांग्रेस कार्यकर्तालाई निर्देशन ।।

राष्टीय समाचार,, अनुगमन भ्रमणका क्रममा दार्चुला आइपुग्नु भएका कृर्षि राज्य मन्त्री सरिता प्रसाई र सिचाइ राज्यमन्त्री अमरसिँह पुनले हतोत्साहित नहुन

नेपाल राष्ट्रिय शिक्षक संगठनको नबौ जिल्ला अबिधेशन नयाँ नेतृत्व चयन गर्दै सम्पन्न, अध्यक्षमा भट्ट सर्वसम्मत ।।

दार्चुला समाचार  नेपाल राष्ट्रिय शिक्षक संगठन दार्चुलाको नबौ जिल्ला अबिधेशन सहमतिमै नेतृत्व चयन गर्दै सम्पन्न भएको छ । सनिबार उद्घाटन भएको

प्रधानमन्त्री ओली बेइजिङमा, भोलि चिनियाँ राष्ट्रपति भेट्ने ।।

५असार  । मंगलबार चीन भ्रमणमा गएका प्रधानमन्त्री केपी शर्मा ओली राजधानी बेइजिङमा नेपाली दूतावासले गरेको कार्यक्रममा सहभागी भएका छन् । मंगलबार साँझ