मार्मा गाउँपालिकामा बैंकीङ सेवा सुचारु,, बैंक खोल्ने जिल्लाकै प्रथम गाउँपालिका बन्यो मार्मा ।।

नयाँ नेपाल समाचार, दार्चुला ।
दार्चुलाको मार्मा गाउँपालिकामा पहिलो पटक बैंकीङ सेवा सुचारु भएको छ । स्थानिय सरकार गठन भए पश्चात् बैंक स्थापना गर्नेमा मार्मा गाउँपालिका प्रथम गाउँपालिका बनेको छ ।
संघीयता लागु भएपश्चात दार्चुला जिल्लामा ७ ओटा गाउँपालिका र २ ओटा नगरपालिका निर्धारण गरिएको थियो । जिल्लाका ७ ओटा गाउँपालिकामध्ये बैंक स्थापना गरी बैंकीङ सेवा सञ्चालन गर्नेमा मार्मा गाउँपालिका प्रथम बनेको छ । जिल्ला सदरमुकाम खलंगा समेत रहेको महाकाली नगरपालिका र शैल्यशिखर नगरपालिका बाहेक जिल्लाका अन्य गाउँपालिकामा बैंक स्थापन गर्न सकिएको थिएन । जिल्ला सदरमुकाम खलंगा अर्थात् महाकाली नगरपालिकामा ७ ओटा बैंकहरु सञ्चालनमा छन् भने शैल्यशिखर नगरपालिकाको गोकुलेश्वर बजारमा २ ओटा बैंकहरु सञ्चालनमा रहेका छन् । तर जिल्लाका २ नगरपालिका बाहेक अन्य कुनै पनि स्थानिय तहमा बैंक स्थापन गर्न सकिएको थिएन ।
सनराईज बैंकले ८३ औँ शाखाको रुपमा मार्मा गाउँपालिका वडा नम्बर ३ लटीनाथमा शुक्रबार सेवा सञ्चालन गरेसंगै मार्मा गाउँपालिका बैंक स्थापना भएको प्रथम गाउँपालिका बनेको हो । विभिन्न रेमिटान्स, आइएमइ लगायतका बैंकीङ कारोबार सञ्चालन गर्ने गरी सनराईज बैंकको केन्द्रिय कार्यालय र गाउँपालिकाको सम्झौता अनुसार बैंक स्थापना गरिएको सनराई बैंक लटीनाथका शाखा प्रबन्धक सुशील ओझाले बताउनु भयो ।
मार्मा गाउँपालिकामा बैंक स्थापना भएसंगै बैंकीङ कारोबार गर्नका लागि जिल्ला सदरमुकाम खलंगा धाउनुपर्ने बाध्यताबाट मार्मा बासीले मुक्ति पाएको गाउँपालिका अध्यक्ष जनम धामीले बताउनु भयो । जनप्रतिनिधिले जनतालाई जतिसक्दो सहज रुपमा सेवा प्रदान गर्ने उद्देश्य भएकाले ५ वर्षे कार्यकालसम्म जनताले अनुभूति गर्न खालको विकास निर्माण गर्ने अध्यक्ष धामीको भनाई छ । मार्मा गाउँपालिकामा बैंक स्थापन भएसंगै अपिहिमाल गाउँपालिकाका स्थानियहरुलाई समेत केही सुविधा हुने बैंक कर्मचारी धनराज धामीले बताउनु भयो ।
६ गाउँपालिका बैंक विहीन, कुन बैंक कहाँ खुल्ने ?
दार्चुला जिल्लाका ३ स्थानिय तहमा बैंक खुले पनि अझै ६ ओटा गाउँपालिका बैंक विहीन अवस्थामा रहेका छन् । मार्मा गाउँपालिकामा बैंक स्थापना भएसंगै जिल्लाका ३ स्थानिय तहमा बैंकीङ सेवा सुचारु भएको छ ।
तर स्थानिय सरकार गठन भएको १ वर्ष पुग्नै लाग्दा समेत जिल्लाका अन्य ६ ओटा गाउँपालिकामा भने बैंकी सेवा सुचारु गर्न सकिएको छैन । प्रत्येक स्थानिय तहमा बैंक स्थापना गरी बैंकीङ सेवा सहज बनाउने उद्देश्य लिइएको छ । जिल्ला सबै स्थानिय तहमा कुन–कुन बैंक स्थापना हुने भन्ने टुङगो लागेको झण्डै वर्ष दिन पुग्नै लाग्दा समेत बैंक स्थापना गर्न सकिएको छैन ।
नौगाढ गाउँपालिकामा जनता बैंको शाखा स्थापना गरिनेभउको छ । नौगाड गाउँपालिकामा शाखा स्थापन गर्ने भनिए पनि भवन र ईन्टरनेट सेवा अभावका कारण तत्काल शाखा स्थापना गर्न नसकिएको जनता बैंक शाखा दार्चुलाका प्रबन्धक प्रकाश भट्टले बताएका छन् ।
यस्तै दुहूँ गाउँपालिकामा ईन्भेष्टमेन्ट बैंकबाट बैंकीङ सेवा दिइने छ । तर दुहूँमा पनि बैंक स्थापना गर्न नसकिदाँ सेवाग्राहीहरु बैंकी कारोबारका लागि सदरमुकाम धाउने बाध्यता रहेको छ ।
दुई–दुई बैंसं शाखा स्थापनको बारेमा सहमती भएको अपिहिमा गाउापालिकामा पनि हालसम्म बैंक स्थापना गर्न सकिएको छैन । गाउँपालिका अध्यष धर्मानन्द मन्याल डीएनका अनुसार एसबीआई बैंक र नेपाल बैंकसंग शाखा स्थापन गर्ने बारे कुरा भएको छ । यस्तै लेकम गाउँपालिकामा पनि लक्ष्मी बैंकसंग शाखा स्थापना गर्ने सम्बन्धमा कुराकानी भएको उपाध्यक्ष माधबी जोशीले जानकारी दिनुभयो । मालिकार्जुन गाउँपालिकामा माछापुच्छ«े र व्याँस गाउँपालिकामा प्रभु बैंकको शाखा स्थापना गर्ने सहमती भएको छ । बैंक स्थापन गर्न आबश्यक पूर्वाधार, सुरक्षा व्यवस्था लगायतका समस्याका कारण बैंक स्थापना गर्नमा ढिलाई भइरहेको स्थानिय सरकारको भनाई छ ।
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य