सीमा बैठक असार २८ मा प्रस्तावित, खलंगामा बैठक आयोजना गर्ने तयारी ।।

नयाँ नेपाल समाचार, दार्चुला ।
नेपाल र भारतका अधिकारीहरुको समन्वय बैठक असार २८ मा हुने भएको छ । नेपाली पक्षको पहलमा दार्चुला सदरमुकाम खलंगामा बैठक आयोजना गर्ने तयारी भइरहेको छ । 
गृह मन्त्रालयले बैठक आयोजनाका लागि स्वीकृति दिइसकेको दार्चुलाका सहायक प्रमुख जिल्ला अधिकारी शिवराज जोशीले बताउनुभयो । नेपालको दार्चुला र बैतडी जिल्लाका अधिकारीहरु बैठकमा सहभागी हुनेछन् । प्रमुख जिल्ला अधिकारी, जिल्लास्थित सुरक्षा निकायका प्रमुखहरु र अन्य सरोकारवाला निकायका प्रमुखहरु बैठकमा सहभागी हुने भएका छन् । 
भारतको पिथौरागढ जिल्लाका डिएम, धारचुला तहसिलका एसडिएमका साथै अन्य सरोकारवाला निकायका प्रमुखहरु बैठकमा सहभागी हुनेछन् । बैठकको तयारीका लागि भारतीय पक्षसंग सम्पर्क र समन्वय भइरहेको सहायक प्रजिअ जोशीले जानकारी दिनुभयो । 
शुक्रवार मात्रै दार्चुलाका प्रमुख जिल्ला अधिकारी खुमकान्त आचार्यसहितको टोलीले पिथौरागढका डिएम सि रविशंकरसंग धारचुलामा अनौपचारिक भेटघाट गरेको छ । प्रजिअ आचार्यको पिथौरागढका डिएमसंग पहिलो भेटघाट हो । यसअघि दार्चुलाका प्रमुख जिल्ला अधिकारी रहेका जनार्दन गौतम नेतृत्वमा पिथौरागढमा सीमा बैठकमा सहभागिता रहेको थियो । 
सीमा क्षेत्रका साझा सरोकारका विषयमा बैठकमा छलफल हुने गर्दछन् । आपसी समन्वय र सहयोग आदानप्रदानमा दुई देशका अधिकारीबीच सहकार्य हुँदैआएको छ । यसअघि गत फागुन २१ गते भारतीय पक्षको व्यवस्थापनमा पिथौरागढमा सीमा बैठक बसेको थियो । 
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य