तिंकर सडकमा जिलेटिन पुग्यो तर प्रयोग भएन, जिलेटिन प्रयोगको सुरक्षामा सेना परिचालन हुने व्यवस्थाले ढिलाई ।।

नयाँ नेपाल समाचार, दार्चुला ।
करिब दुई वर्षदेखि विस्फोटक पदार्थको अभावमा निर्माण बन्द रहेको दार्चुला तिंकर सडकका लागि विस्फोटक पदार्थ दार्चुलासम्म ढुवानी भएको १५ दिन बितेको छ । दुई हप्ताअघि दार्चुलामा ढुवानी गरिएको जिलेटिनको प्रयोग गर्न भने सकिएको छैन ।
नेपाली सेनाको सुरक्षामा जिलेटिनको प्रयोग हुने भएपछि सडक निर्माणले गति लिन सकेको छैन । दुई वर्षदेखि नेपाली सेनाले तिंकर सडकका लागि पूर्व सम्झौताअनुसार विस्फोटक पदार्थ उपलब्ध गराउन नसकेपछि सडक निर्माण प्रभावित बन्दै आएको छ । पछिल्लो समय बझाङ जिल्लामा निर्माणाधिन कालांगाड जलविद्युत आयोजनाबाट ९ दशमलव ३ मेट्रिक टन अर्थात ९ हजार ३ सय किलोग्राम जिलेटिन तिंकर सडकका लागि सापट ल्याइएको छ ।
असार १० गते दार्चुला पुर्याइएको जिलेटिन सडक निर्माणमा प्रयोग हुन भने सकेको छैन । यसअघि नेपाल प्रहरीको टोलीको सुरक्षा व्यवस्थापनमा जिलेटिन प्रयोग हुँदैआएकोमा पछिल्लो समय नेपाली सेनाको सुरक्षा घेरामा मात्रै विस्फोटक पदार्थको प्रयोग हुने भएको छ ।
सुरक्षा संवेदनशीलताका कारण नेपाली सेनाको सुरक्षा घेरामा जिलेटिनको प्रयोग हुने प्रमुख जिल्ला अधिकारी खुमकान्त आचार्यले बताउनुभयो । जिलेटिन प्रयोग हुने क्षेत्रमा नेपाली सेनाको टोली नै परिचालन गर्नुपर्ने भएकाले केही समय बढी लागेको दार्चुला तिंकर सडक योजनाका प्रमुख रामचन्द्र साहको भनाई छ ।
जिलेटिनको प्रयोगमा नेपाली सेना जादा आवश्यक सुरक्षा व्यवस्थापन तथा सेनाको टोलीको वासस्थान, खानालगायतको व्यवस्थापनको गृहकार्य भइरहेको जिल्लास्थित सुरक्षा स्रोतले बतायो । ‘फिल्डमा सेनाको टोली खटाउन आवश्यक सुरक्षा व्यवस्थापन योजना बनाउनुपर्छ’ सुरक्षा स्रोतले भन्यो, ‘यसका लागि केही दिन अझै लाग्न सक्छ ।’
व्यास गाँउपालिका अध्यक्ष दिलिपसिह बुढाथोकीले भने तत्काल जिलेटिनको प्रयोग गरी सडक निर्माणलाई गति दिनुपर्ने बताएका छन् । आइतवार अध्यक्ष बुढाथोकीले दार्चुला तिंकर योजना प्रमुख र प्रमुख जिल्ला अधिकारीसंग यसबारे छलफल गर्नुभएको छ ।
लामो कसरतपछि सापट लिएर दार्चुला पुर्याएको जिलेटिनको तत्काल प्रयोग हुनुपर्नेमा व्यास गाँउपालिका अध्यक्ष दिलिपसिह बुढाथोकीले जोड दिनुभएको छ । ‘हामीले धेरै प्रयास गरेपछि मात्रै जिलेटिन आएको हो, अब सडक निर्माणले गति लिनुपर्छ’ अध्यक्ष बुढाथोकीले भन्नुभयो, ‘सडक निर्माणमा ढिलाई गर्नु हुँदैन भनेर आवाज उठाइरहेका छौ ।’
 

नयाँ सरकार गठनको बाटो खोलिदिन एमाले सचिव ज्ञवालीको आग्रह ।।

समाचार  नेकपा एमालेका सचिव प्रदीप ज्ञवालीले निर्वाचनबाट ताजा जनादेश आइसकेकाले नयाँ सरकार गठनको बाटो खोलिदिन काग्रेसलाई आग्रह गर्नुभएको छ । प्रेस

हतोत्साहित नहुन मन्त्रीद्धयद्धारा कांग्रेस कार्यकर्तालाई निर्देशन ।।

राष्टीय समाचार,, अनुगमन भ्रमणका क्रममा दार्चुला आइपुग्नु भएका कृर्षि राज्य मन्त्री सरिता प्रसाई र सिचाइ राज्यमन्त्री अमरसिँह पुनले हतोत्साहित नहुन

नेपाल राष्ट्रिय शिक्षक संगठनको नबौ जिल्ला अबिधेशन नयाँ नेतृत्व चयन गर्दै सम्पन्न, अध्यक्षमा भट्ट सर्वसम्मत ।।

दार्चुला समाचार  नेपाल राष्ट्रिय शिक्षक संगठन दार्चुलाको नबौ जिल्ला अबिधेशन सहमतिमै नेतृत्व चयन गर्दै सम्पन्न भएको छ । सनिबार उद्घाटन भएको

उत्तरी तिंकर नाका सञ्चालनका लागि प्रतिनिधिसभा सांसद ठगुन्नाद्धारा परराष्ट्र मन्त्रालयलाई ज्ञापन ।।

नयाँ नेपाल समाचार दार्चुला । नेपाल–चीन जोड्ने उत्तरी नाका तिंकर नाका सञ्चालनका लागि प्रतिनिधिसभा सदस्य गणेशसिँह ठगुन्नाले परराष्ट्रमन्त्री