सिमा बैठकमा आईएसआईको चर्चा,के के थिए ऐजेण्डा ?

नयाँ नेपाल समाचार, दार्चुला ।
अन्तर्राष्ट्रिय स्लामिक संगठन (आईएसआई) ले दार्चुलामा आयोजना गरिएको नेपाल भारतका अधिकारीहरुको बैठकमा समेत चर्चा पाएको छ ।
भारतको उत्तराखण्ड पिथौरागढ जिल्लाका जिल्ला प्रमुख सी रविशंकरको नेतृत्वको टोली र दार्चुलाका प्रमुख जिल्ला अधिकारी खुमकान्त आचार्यको नेतृत्वको टोलीबीच भएको नेपाल भारत सीमा सुरक्षा समन्वय बैठकमा आईएसआई समेत छलफलको विषय बनेको हो ।
भारतीय पक्षका तर्फबाट बैठकका लागि प्रस्ताव गरिएको एजेण्डा मै सिमा क्षेत्रमा आईएसआईका गतिविधिहरुमा बिचार बिमर्श राखिएपछि बैठकमा आईएसआईले स्थान पाएको हो ।
भारतीय पक्षले बैठकका लागि प्रस्तावि गरेको ११ एजेण्डाहरुमध्ये नक्कली नोटको प्रचलनमा रोक लगाउने र आईएसआईको कुरा ५ नम्बरमा राखिएको थियो ।
बैठकपछि पत्रकारहरुसँग प्रतिक्रिया दिदै पिथौरागढका जिल्ला अधिकारी सी रविशंकरले सिमा क्षेत्रमा आईएसआईको गतिविधि देखिन थालेकोले सीमा बैठकमा छलफलको विषय बनेको बताउनु भयो । केही महिना पहिले पिथौरागढ मै आईएसआई क्रियाकलपासँग सम्बद्ध व्यक्तिलाई पक्राउ गरिएको बताउँदै यस्ता घटनाहरुमा समन्वय गर्न आईएसआईलाई पनि छलफलको विषय बनाइएको उहाँले बताउनु भयो । पिथौरागढ जिल्लाको सीमा क्षेत्रको रुपमा रहेको बैतडी, दार्चुला र चीन तिब्बतको ताक्लाकोट क्षेत्रमा आईएसआईको गतिबिधि नदेखिएको पनि उनले बताए । ‘भारत सरकारले नै यो मुद्दालाई विशेष रुपमा लिएको छ, त्यसैले पनि सीमा बैठकमा छलफल गर्नु परेको हो ।’ पिथौरागढ जिल्ला प्रमुख सी रविशंकरको प्रतिक्रिया छ । 
को को थिए बैठकमा ?
नेपाल भारत सीमा सुरक्षा समन्व्य बैठकमा भारतका तर्फबाट पिथौरागढका जिल्ला अधिकारी सी रविशंकर, सशस्त्र सीमा बल ११औं बाहिनी डिडिहाटका डिप्टी कमाण्डेन्ट किसन यादव, लोकनिर्माण विभाग पिथौरागढका अधिक्षण अभियन्ता हरीश पांगति, पिथौरागढ जिल्लाका पुलिअ अधिक्षक आरसी राजगुरु, धारचुलाका उपजिल्ला अधिकारी राजकुमार पाण्डेय, प्रभागीय वनअधिकारी डा. वियन भार्गव, सिंचाई अधिक्षक अभियन्ता पी.के. दीक्षित, सिंचाई विभाग कै अधिशासी अभियन्ता ललित कुमार, लोक निर्माण विभाग अस्कोटका अधिशासी अभियन्ता दीपक गुप्ता, धौलिंगगा पावर स्टेसनका असिस्टेन्ट म्यानेजर बी.सी जोशी, स्टेनसन कै सिभिल म्यानेजर बी.एच. डेम्पासहित ११ जनाको उपस्थिति रहेको थियो ।
दार्चुला जिल्लाका प्रमुख जिल्ला अधिकारी खुमकान्त आचार्यको नेतृत्वमा बैतडी जिल्लाका प्रमुख जिल्ला अधिकारी सिद्धराज जोशी, दार्चुला र बैतडीका प्रहरी नायब उपरीक्षकहरु नवराज अधिकारी र नेत्रमणी गिरी, सशस्त्र प्रहरी नायव उपरीक्षक अम्बिका प्रशाद जोशी, दार्चुला र बैतडीका प्रमुख अनुसन्धान अधिकृतहरु बिरेन्द्रसिह कार्की र रमेशसिह डाँगा, दुर्गादल गुल्मका सह सेनानी श्याम थपलियाको उपस्थिति रहेको थियो ।
नेपालका तर्फबाट भन्सार कार्यालय बैतडीका प्रमुख दिल्लीराज सुवेदी, जिल्ला वन अधिकारी संजय तिवारी, अपी नाम्पा संरक्षण प्रमुख भूमिराज उपाध्याय, महाकाली नदी नियन्त्रण आयोजना प्रमुख सुशीलचन्द्र देवकोटा, ईन्जिनियर मदनराज जोशी, सहायक प्रमुख जिल्ला अधिकारी शिवराज जोशी र नायवसुब्बा चन्द्रसिह धामीसहित १३ जना अधिकारीहरु बैठकमा उपस्थित थिए ।
के के थिए ऐजेण्डा ?
दार्चुलाको महाकाली नगरपालिका वडा नम्बर ५ मा रहेको शिखर होटेल २ मा आयोजना गरिएको उक्त बैठकमा नेपालका तर्फबाट १३ र भारतका तर्फबाट ११ ऐजेण्डाहरु राखिएका थिए ।
सीमा अपराध, खोतिला पहिरो, मानव बेचबिखन, अवैध समान, वन्यजन्तु, लागू औषध, जडिबुटी चोरी निकासी र दुई पक्षबीच समन्वय कायम गर्ने, सुचना आदान प्रदान गर्ने ऐजेण्डाहरुले साझा रुप लिएका थिए भने नेपालका तर्फबाट अघिल्लो बैठकको समीक्षा, सीमा सुरक्षाको वर्तमान अवस्था, विपद्मा खोज, उद्धार तथा राहत, धौलिगंगा बाध खोल्ने, प्रस्तावित झोलुंगे पुलहरुको सहमति, नियमित समन्वय बैठक गर्ने र विविध विषय भनी ऐजेण्डा तय गरिएको थियो ।
भारतीय तर्फबाट भने पारस्परिक सुरक्षाका विषयमा नक्कली नोटहरुको चलनचल्तीमा रोक, सीमा क्षेत्रमा आईएसआईका गतिबिधिहरुमा बिचार विमर्श, सीमा क्षेत्रका पुलिस थानाहरु अन्तर्गत कानुन व्यवस्थाको स्थितिको आँकलन र पारस्परिक सहभागिता, सीमा क्षेत्रमा एसएसबी र नेपाल प्रहरीबाट व्यपाक गस्तिको प्रबन्ध धौलिगंगाको गेट खोल्ने विषयमा नेपाल सरकारलाई सुचना उपलब्ध गराउने र अन्य विषयहरु बैठकका ऐजेण्डाका रुपमा रहेका थिए ।
 

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

प्रतिनिधिसभा तथा प्रदेशसभा निर्वाचनमा साढे पाँच करोडभन्दा बढी खर्च

दार्चुला समाचार  प्रतिनिधिसभा तथा प्रदेशसभा निर्वाचनमा दार्चुला जिल्लामा मात्रै साढे ५ करोडभन्दा बढी सरकारी बजेट खर्च भएको छ । मुख्य निर्वाचन

तटबन्ध निर्माणको कार्य सन्तोषजनक ः सिँचाई राज्यमन्त्री पुन

दार्चुला समाचार सिचाई राज्यमन्त्री अमरसिह पुनले महाकाली नदी नियन्त्रणअन्तर्गत दार्चुला सदरमुकाम खलंगामा निर्माण भइरहेको तटबन्धको कार्य