राजनीतिक द्वन्द्व सत प्रतिशत हुन नसकेको सांसद ठगुन्नाको भनाई ।।

नयाँ नेपाल समाचार, दार्चुला ।
समाजमा द्वन्द्व व्यवस्थापन गर्न नसकिदाँ सम्म समृद्धि गर्न नसकिने संघीय सांसद ठगुन्नाले बताउनु भएको छ । विकास र निकासका लागि द्वन्द्व व्यवस्थापन हुनु जरुरी रहेको भन्दै सांसद ठगुन्नाले समाजमा द्वन्द्व व्यवस्थापन तथा न्युनीकरण गर्न नसकिएसम्म देशको समृद्धि नहुने बताएका हुन् ।
जिल्ला सदरमुकाम खलंगामा आयोजित एक कार्यक्रमलाई सम्बोधन गर्दै प्रमुख अतिथि समेत रहनु भएका प्रतिनिधिसभा सांसद ठगुन्नाले देश निर्माण र दिगो शान्तीका लागि द्वन्द्वको अन्त्य भई भाइचाराको विकास हुनु आबश्यक रहेको औल्याउनु भएको छ । सशस्त्र द्वन्द्वको अन्त्य भई देश संघीयतामा गईसकेका बेला अझै पनि राजनीतिक द्वन्द्व भने सत प्रतिशत अन्त्य हुन नसकेको संकेत गरेका छन् । 
केही राजनीतिक असहमतिको अन्त्य भएपनि सत प्रतिशत राजनीतिक द्वन्द्व भने अन्त्य हुन नसकेकाले यस्ता द्वन्द्वहरुको व्यवस्थापन नगरे सम्म समृद्धि र विकासको परिकल्पना गर्न नसकिने औल्याउनु भएको छ । थुप्रै द्वन्द्वहरुले सकारात्मक प्रभाव पारे पनि देश निर्माणका बेला जीवित राजनीतिक द्वन्द्वले सुखी नेपाली समृद्ध नेपालको नारालाई समेत प्रभाव पार्ने धारणा व्यक्त गरेका छन् । प्रदेश सांसद गेल्बुसिँह बोहराले द्वन्द्ध व्यवस्थापनका लागि शिक्षा क्षेत्रको विकासमा जोड दिनुपर्ने बताउनु भएको छ । शिक्षाको माध्यमबाट सबै क्षेत्रको परिकल्पना गर्न सकिने भएकाले द्वन्द्व व्यवस्थापनलाई व्यवस्थापन तथा न्युनीकरण गर्न शिक्षा क्षेत्रमा सुधार र गुणस्तरलाई प्रभावकारी बनाउनु पर्ने धारणा व्यक्त गर्नु भएको छ ।
द्वन्द्वको सृजना भावना र विचारहरुको बेमेलाबाट सृजना हुने भएकाले नागरिकको विचार र धारणामा परिवर्तनका लागि मुख्य भूमिका शिक्षाले गर्ने भएकले शिक्षा क्षेत्रमा जोड दिनु आबश्यक रहेको उहाँको भनाई छ । शिक्षा क्षेत्र लगायतका विभिन्न पक्षमा सचेत भएर अगाडी बढे द्वन्द्व व्यवस्थापन हुने र यसरी सञ्चालन गरिने कार्यक्रमले पनि सफलता पाउने धारणा प्रदेश सांसद बोहराले व्यक्त गर्नु भएको छ । त्यसैगरी प्रदेश सांसद मानबहादुर धामी सन्तोषले नेपालमा रहेको द्वन्द्व व्यवस्थापनका लागि स्थानीय सरकारले गाउँ गाउँमा समेत यस्ता कार्यक्रम सञ्चालन गर्नु आबश्यक रहेको बताउनु भयो । तीनै तहका सरकारले सचेत र गम्भीरता पूर्वक लागे जस्तो सुक्कै द्वन्द्वलाई समेत व्यवस्थापन गर्न सकिने प्रदेश सांसद धामीको भनाई छ ।
द्वन्द्व व्यवस्थापनका गरी देशलाई समृद्ध बनाउनका लागि स्थानीय सरकारदेखि प्रदेश र संघीय सरकारको उत्तिक्कै भूमिका रहने बताउनु भएको छ । साथै दार्चुला जिल्लामा रहेका विभिन्न समस्याहरु प्रदेश सरकारसम्म पुग्नु र ती समस्याको बोध हुने अपेक्षा समेत सांसद धामीले गर्नु भएको छ ।
यस्तै प्रमुख जिल्ला अधिकारी खुकान्त आचार्यले नकरात्मक द्वन्द्वको अन्त्य गरी सकारात्मक द्धन्द्ध गर्नुपर्ने बताउनु भएको छ । अहिलेको द्वन्द्व देश निर्माण तथा समृद्धिको हुनु आबश्यक रहेको बताउनु भएको छ ।
 

नयाँ सरकार गठनको बाटो खोलिदिन एमाले सचिव ज्ञवालीको आग्रह ।।

समाचार  नेकपा एमालेका सचिव प्रदीप ज्ञवालीले निर्वाचनबाट ताजा जनादेश आइसकेकाले नयाँ सरकार गठनको बाटो खोलिदिन काग्रेसलाई आग्रह गर्नुभएको छ । प्रेस

हतोत्साहित नहुन मन्त्रीद्धयद्धारा कांग्रेस कार्यकर्तालाई निर्देशन ।।

राष्टीय समाचार,, अनुगमन भ्रमणका क्रममा दार्चुला आइपुग्नु भएका कृर्षि राज्य मन्त्री सरिता प्रसाई र सिचाइ राज्यमन्त्री अमरसिँह पुनले हतोत्साहित नहुन

नेपाल राष्ट्रिय शिक्षक संगठनको नबौ जिल्ला अबिधेशन नयाँ नेतृत्व चयन गर्दै सम्पन्न, अध्यक्षमा भट्ट सर्वसम्मत ।।

दार्चुला समाचार  नेपाल राष्ट्रिय शिक्षक संगठन दार्चुलाको नबौ जिल्ला अबिधेशन सहमतिमै नेतृत्व चयन गर्दै सम्पन्न भएको छ । सनिबार उद्घाटन भएको

उत्तरी तिंकर नाका सञ्चालनका लागि प्रतिनिधिसभा सांसद ठगुन्नाद्धारा परराष्ट्र मन्त्रालयलाई ज्ञापन ।।

नयाँ नेपाल समाचार दार्चुला । नेपाल–चीन जोड्ने उत्तरी नाका तिंकर नाका सञ्चालनका लागि प्रतिनिधिसभा सदस्य गणेशसिँह ठगुन्नाले परराष्ट्रमन्त्री