प्रशिक्षक छनौटमा स्थानीय सरकार र विद्यालय व्यवस्थापन समिति नै बाधक ,, प्रशिक्षक छनौटको परीक्षा नै स्थगित ।।

नयाँ नेपाल समाचार, दार्चुला ।
स्थानीय सरकार र विद्यालय व्यवस्थापन समिति विद्यालयको सर्बांगीण विकासका लागि जिम्मेवार मानिन्छन् । तर व्याँस गाउँपालिका वडा नम्बर ४ मा रहेको सम्पाल मावि सुन्सेरामा प्रशिक्षक छनौट कार्यक्रमा स्थानीय सरकार र विद्यालय व्यवस्थापन समिति नै बाधक देखिएका छन् । 
विद्यालयको विभिन्न व्यवस्थापन तथा विकासका लागि विद्यालय व्यवस्थापन समिति एक महत्वपूर्ण जिम्मेवारबाहक मानिन्छ । तर यसैवर्ष सिटिईभिटीबाट मान्यता प्राप्त भई प्राविधिक धारतर्फको बाली विज्ञान सञ्चालनका लागि प्रशिक्षक छनौट कार्यक्रमा विद्यालय व्यवस्थापन समिति र स्थानीय सरकार नै गैर–जिम्मेवारी देखिएका छन् ।
जिल्लाका विभिन्न ५ ओटा सामुदायिक विद्यालयहरुमा प्राविधिक शिक्षा सञ्चालनका लागि सिटिईभिटीबाट सम्बन्धन प्राप्त भएको थियो । जिल्लाका अन्य सामुदायिक विद्यालयहरुमा प्राविधिक धारतर्फको शिक्षा सञ्चालनका लागि प्रशिक्षक छनौट भई पढाई सञ्चालन भइसकेका बेला सुन्सेरामा भने प्रशिक्षक छनौटमै राजनीतिक प्रभाव परेको देखिन्छ । विद्यालय क्षेत्रमा राजनीतिक प्रभाव नपरेको भए अहिले सम्म सुन्सेरामा प्रशिक्षक छनौट भई प्राविधिक शिक्षा सञ्चालन भइसक्ने थियो । तर यसरी कहिले एक पक्षले अडान लिने र कहिले एकले अडान लिने प्रबृत्तिले विद्यालयमा प्रशिक्षक छनौटमा समस्या भएको प्रधानाध्यापक हरिदत्त भट्टले बताउनु भयो ।
स्थानीय सरकार गठन भएपछि मावि तहसम्मका विद्यालय सञ्चालनको अधिकार स्थानीय सरकारलाई प्रत्यायोजन गरिएको छ । तर व्याँस गाउँपालिकामा प्राविधिक शिक्षालयको प्रशिक्षक छनौटमै स्थानीय सरकारको पनि गैर जिम्मेवारी देखिएको छ । यसरी जिम्मेवार पक्षले नै गैर जिम्मेवारी ढंगले प्रस्तुत हुदाँ आफूहरुलाई काम गर्न निकै अप्ठेरो भएको प्रधानाध्यापक भट्टको भनाई छ ।
प्राविधिक शिक्षा सञ्चालनका लागि प्रशिक्षक, सहायक प्रशिक्षक तथा जेटिए छनौटका लागि पहिलो पटक असोज २१ गते परीक्षा मिति निर्धारण गरिएको थियो । पहिलो पटक निर्धारण गरिएको मितिमा विद्यालय व्यवस्थापन समितिले नमानेर प्रशिक्षक छनौटको परीक्षा स्थगित गरिएको प्रधानाध्यापक हरिदत्त भट्टले जानकारी दिनुभयो । उति बेला विद्यालय व्यवस्थापन समितिले आनाकानी गर्दा अन्य पक्षहरु परीक्षा सञ्चालनका लागि सहमत देखिएका थिए ।
असोज २१ गतेको मितिमा निर्धारण गरिएको परीक्षा स्थगित भएपछि कात्र्तिक २१ अर्थात् बुधबारका लागि परीक्षा मिति निर्धारण गरिएको थियोे । साथै स्थानीय सञ्चार माध्यमहरुबाट समेत सुचना प्रशारण गरिएको थियो । आज निर्धारण गरिएको परीक्षा पनि स्थगित भएको छ । बुधबारका लागि तय गरिएको परीक्षा सञ्चालनका लागि स्थानीय तहबाट प्रतिनिधिको उपस्थिति नहुदाँ परीक्षा स्थगित गर्नु परेको प्रधानाध्यापक हरिदत्त भट्टले बताउनु भयो ।
पहिलो पटक विद्यालय व्यवस्थापन समितिको आनकानी र दोस्रो पटक बुधबार स्थानीय तहको प्रतिनिधि नहुदाँ परीक्षा स्थगित भएको छ । बाली विज्ञान पढाई सञ्चालनका लागि प्रशिक्षक छनौट गर्दा जिम्मेवार पक्षले यस्तो प्रबृत्ति देखाउनु गैरजिम्मेवारी र लापरही भएको टिकाटिप्पणी हुन थालेको छ । आफू निकटको व्यक्तिलाई प्रशिक्षकमा नियुक्त गर्न स्थानीय सरकार र विद्यालय व्यवस्थापन समितिको दाउँपेचका कारण प्राविधिक शिक्षा सञ्चालनका लागि आफूलाई असहज भएको प्रधानाध्यापक हरिदत्त भट्टको भनाई छ ।
व्याँसमा स्थानीय सरकार र विद्यालय व्यवस्थापनको यो हर्कतले अन्य समस्या भन्दा पनि आफू निकटको व्यक्तिलाई नियुक्त गर्न भएको दोडाहाका कारण चालु शैक्षिक सस्त्रको आठौँ महिना बित्नै लागेको छ । यसरी प्रशिक्षक छनौटमा स्थानीय सरकार र विद्यालय व्यवस्थापन समितिका कारण अड्एिकाले विद्यालयमा पर्न गएको असुविधा तथा असर प्रति दुःख व्यक्त गर्नु भएको छ । बुधबार परीक्षा सञ्चालन हुने भएपछि सबै सरोकारवालाहरु शिक्षा विकास तथा समन्वय इकाई दार्चुलामा उपस्थित भएका थिए । तर परीक्षा समितिका एक जना अर्थात् स्थानीय तहबाट प्रतिनिधि नहुदाँ परीक्षा स्थगित भएको छ ।
 

भुकम्पीय जोखिम न्युनीकरण गर्न कमद चाल्नु पर्छः विभागीय अधिकृत

दार्चुला समाचार नेपाल रेडक्रस सोसाइटी केन्द्रीय कार्यालय विपद् व्यवस्थापन शाखाका वरिष्ठ अधिकृत डिपिडिआरआरका कार्यक्रम संयोजक भोजराज धिमिरेले

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

महाकाली नदी किनारमा निर्माणाधिक तटबन्धको अनुगमन भ्रमण

दार्चुला समाचार ,, चार वर्षअघिको महाकाली वाढीबाट क्षतिग्रस्त महाकाली नदी किनारमा निर्माणाधिक तटबन्धको अनुगमन भ्रमण गर्ने राज्यमन्त्रीहरुको टोली