महाकाली नदीमाथि पाचँ काठेपुल रहेको खुलाशा,, तीनओटा काठेपुल नेपाली सुरक्षाकर्मीले भत्काइदिए ।।

नयाँ नेपाल समाचार, दार्चुला ।
महाकाली नदीमाथि राखिएका विभिन्न स्थानका अस्थायी काठेपुलहरु नेपाली सुरक्षाकर्मीहरुले भत्काईदिएका छन् । नेपाल सरकारले अनुमित दिएका भन्दा बढी स्थानमा लगाइएका काठेपुलहरु नेपाली सुरक्षाकर्मीले भत्काइदिएको प्रमुख जिल्ला अधिकारी खुमकान्त आचार्यले बताउनु भयो ।
यसअघि सामुदायिक रेडियो नयाँ नेपाल एफएमबाट भारतद्धारा अनुमति भन्दा बढी स्थानमा काठेपुल शीर्षकमा समाचार प्रशारण गरेपछि भोली पल्टै सशस्त्र प्रहरीको टोली तथा नेपाल प्रहरी टोली खटाइएको थियो । नेपाल सरकारले तम्पाकु र थीइको भीर भन्ने स्थानमा गरी दुई स्थानमा पुल निर्माण गर्न भारतलाई स्वीकृति दिएको थियो । तर भारतले अनुमित भन्दा बढी स्थानमा भारतको मालपा लगाएको विभिन्न स्थानमा महाकाली नदीमाथि अस्थायी काठेपुल निर्माण गरेको थियो । सीमा क्षेत्रमा भारतले यसरी अनुमित विना अस्थायी काठेपुल निर्माण गरेको भन्ने समाचार प्रसारण भएपछि भोलिपल्टै शस्त्र प्रहरी बल हेडक्वाटर ५० नम्बर गुल्म दार्चुलाबाट ३÷४ जना र दुम्लिङबाट नेपाल प्रहरीको टोली खटाइएको थियो । र सीमा क्षेत्रमा भइरहेका गतिविधिहरु लगायतका सूचना संकलनका लागि खटाइएको थियो ।
त्यस क्षेत्रमा खटाइएको नेपाली सुरक्षाकर्मीहरुको टोलीले दोपाखे तथा सो क्षेत्र भन्दा माथि विभिन्न स्थानमा लगाइएका अबैध अस्थायी काठेपुलहरु भत्काएर आएको प्रमुख जिल्ला अधिकारी खुमकान्त आचार्यले बताउनु भयो । उहाँका अनुसार भारतले मात्रै नभई सीमा क्षेत्रमा बसोबास गर्ने नेपाली तथा भारतका स्थानीयहरु मिली काठेपुल राखेको हुन सक्ने बताउनु भयो ।
तर भारतीय पक्षले सीमा क्षेत्रमा यसरी नेपाली पक्षलाई अनुमति विना पुल लगाउन कुनै पनि हालतमा नदिने स्थानीयहरुको भनाई छ । सीमा क्षेत्रमा भारतले निकै कडाई र ती क्षेत्रहरुमा समेत भारतीय सुरुक्षाकर्मीको गस्ती जाने भएकाले सीमा क्षेत्रमा यस्ता कार्य नेपाली गर्ने नसक्ने स्थानीयहरुको दाबी छ ।
भारतले निर्माण गरिरहेको घटियाबगर–लखनपुर–लिपुलेक सडक निर्माण गरिरहेकाले आबश्यक पर्ने निर्माण सामग्रीहरु ढुवानीका लागि महाकाली नदीमाथि अबैध रुपमा काठेपुल निर्माण गरेको हुन सक्ने कतिपयको भनाई छ । गतवर्ष पनि भारतले विभिन्न स्थानमा अनुमति नै नलिई आधा दर्जन भन्दा बढी काठेपुल निर्माण गरेकाले यो वर्ष पनि ती क्षेत्रमा भारतले नै आफ्नो फाईदाका लागि पुल निर्माण गरेको हुन सक्ने आंकलन गरिएको छ । तर भारतले नै काठेपुल राखेको भन्न नमिल्ने प्रमुख जिल्ला अधिकारीको संकेत छ ।
यसरी हेर्दा महाकाली नदीमाथि ५ काठेपुल रहेको खुलाशा भएको छ । नेपाल सरकारले काठेपुल राख्न स्वीकृति दिएको व्याँस गाउँपालिका वडा नम्बर २ को तम्पाकु र थीइको भीरमा दुई ओटा काठेपुल र दोपाखे तथा सो क्षेत्र भन्दा माथि तीन स्थानमा गरी पाँच ओटा काठेपुल रहेको प्रमुख जिल्ला अधिकारी आचार्यले बताउनु भयो । नेपाल सरकारले दुई स्थानमात्रै स्वीकृति दिएका भएपनि महाकाली नदीमाथि ५ ओटा काठेपुल निर्माण गरिएकाले तीन ओटा काठेपुलहरु नेपाली सुरक्षाकर्मीले भत्काएर आएको प्रमुख जिल्ला अधिकारी आचार्यले बताउनु भयो । 
महाकाली नदीमाथि निर्माण गरिएको अबैध पुल नेपाली  सुरक्षाकर्मीले भत्काएको खबर सुनेर स्थानीयहरुले राष्ट्रियता प्रतिको महान कार्य भनि प्रतिक्रिया दिएका छन् । सुरक्षाकर्मीले गरेको यो कार्यले मातृभूमि रक्षाका लागि नेपाली सुरक्षाकर्मीहरु पनि चनाखो छन् भन्ने सन्देश दिएको स्थानीयहरुको भनाई छ । सीमा क्षेत्रमा भारतको ज्यादती पनि सुरक्षाकर्मीहरुको यो कार्यले निरुत्साहित हुने कतिपयको ठम्याई छ । भारतले सीमा क्षेत्रमा मनपरी गर्दा समेत नेपाली पक्ष मुकदर्शक मात्रै हुन विगतको प्रबृत्तिले भारतको मनपरि मौलाएको छ । यसरी गत वर्ष केही स्थानमा भारतले निर्माणका गरेका अबैध काठेपुलहरु स्थानीयहरुले भत्काइदिएका थिए भने यो वर्ष नेपाली सुरक्षाकर्मीहरु नै तैनाथ भएर काठेपुल भत्काउनुले नेपालीहरुको स्वभिमान उचो हुने टिप्पणी हुन थालेको छ । त्यति मात्र नभई सीमा क्षेत्रमा बेला बेला नेपाली सुरक्षाकर्मीको गस्ती हुने भए अझ नेपालीहरुको ठाडो हुने प्रतिक्रिया राजनीतिक दलहरुको पनि छ ।
 

भुकम्पीय जोखिम न्युनीकरण गर्न कमद चाल्नु पर्छः विभागीय अधिकृत

दार्चुला समाचार नेपाल रेडक्रस सोसाइटी केन्द्रीय कार्यालय विपद् व्यवस्थापन शाखाका वरिष्ठ अधिकृत डिपिडिआरआरका कार्यक्रम संयोजक भोजराज धिमिरेले

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

महाकाली नदी किनारमा निर्माणाधिक तटबन्धको अनुगमन भ्रमण

दार्चुला समाचार ,, चार वर्षअघिको महाकाली वाढीबाट क्षतिग्रस्त महाकाली नदी किनारमा निर्माणाधिक तटबन्धको अनुगमन भ्रमण गर्ने राज्यमन्त्रीहरुको टोली