सीमा नाकामा नेपालीहरुलाई सामग्री ढुवानीमा समस्या, दुबैतिर महिला प्रहरीको व्यवस्था गर्न माग ।।

नयाँ नेपाल समाचार, दार्चुला ।
नेपाल–भारत सीमा नाकामा नेपाली नागरिकहरुलाई समस्या हुने गरेको छ । नेपालीहरुको मुख्य बजार क्षेत्र भारत भएकाले पनि भारतबाट समान ढुवानीमा समस्या हुने गरेको स्थानीयहरुको गुनासो छ ।
मुख्य गरी व्याँस क्षेत्रका स्थानीयहरुले भारतबाटै सामान ढुवानी गर्नुपर्ने भएकाले भारतबाट समान ढुवानी गर्न समस्या भएको व्याँस गाउँपालिका वडा नम्बर ५ धौलाकोटका स्थानीय नन्दा कुवँरले जानकारी दिनुभयो । पछिल्लो समय निर्माण गरिएको नेपाल–भारत जोड्ने तिग्रम पुलमा आवत् आवत् तथा सामग्री ढुवानी गर्न निकै समस्या हुने गरेको कुवँरको गुनासो छ । सीमा नाकामा भन्सार स्थापना गर्न सकिए नागरिकहरुलाई आवत् जावत् गर्न समेत सहज हुने स्थानीयहरुको अपेक्षा छ । भन्सार नहुदाँ समेत झन् समस्या भएको धौलाकोट तिग्रमका स्थानीय नन्दा कुवँरले बताउनु भयो ।
यसरी भन्सार कार्यालय स्थापना गर्न नसकिदाँ नेपालको लाखौँ राजस्व गुमिरहेको छ । भारतसंग जोडिएका दार्चुला जिल्लामा मात्रै ५ ओटा नाकाहरु रहेका छन् । यसअघि ४ ओटा नाका सञ्चालनमा रहेको भएपनि अब लेकमको लालीमा पुल निर्माण सम्पन्न भएसंगै अन्तर्राष्ट्रिय नाकाको संख्या ५ पुगेको हो । लाली पुल केही दिनमै सञ्चालन गर्ने तयारी भइरहेको छ । खलंगा, दत्तु, जौलजीवि र तिग्रममा भने यअसघि देखि नै सञ्चालनमा रहेका छन् ।
जिल्ला सदरमुकाम खलंगा क्षेत्रसम्म आवत् जावत् गर्न भारतको बाटो प्रयोग गर्न बाध्य व्याँस क्षेत्रका स्थानीयहरुले भरतीय सुरक्षाकर्मी सीमा सशस्त्र बल(एसएसबी) को दुःख समेत झेल्नु परेको स्थानीय गायत्री कुवँरले बताउनु भयो । जिल्ला सदरमुकाम खलंगासम्म आउन स्वदेशको भूमि भएर आउन बाटो समेत नहुदाँ झन् समस्या भएको हो ।
सीमा क्षेत्रमा हिन्दी भाषा बोल्न नसक्ने नागरिकहरुलाई समेत झन् समस्या हुने गरेको स्थानीय कलावती धामीले गुनासो गर्नु भयो । भारतीय नागरिक नेपालमा आएर समेत हिन्दी भाषा बोल्ने गरेको र नेपालीहरुले हिन्दी भाषा बोल्नु पर्ने बाध्यताले समेत नेपाली नागरिकहरु झन् मर्कामा परेको धामीको गुनासो छ । भारतका उच्च अधिकारीहरु समेत नेपालमा आउदाँ समेत नेपाली नबोल्ने तर नेपाली अधिकारीहरु समेत भारतीय अधिकारीहरुसंग हिन्दी भाषा बोल्नु पर्ने बाध्यता छ । सो समस्याले सीमा क्षेत्रमा गाउँघरका नागरिकहरु बढी समस्यामा पर्ने गरेको धौलाकोटका स्थानीय ममता कुवँरले गुनासो गर्नु भएको छ । 
यस्तै दैनिक उपभोग्य सामग्रीहरु समेत भारतीय बजार क्षेत्रबाट ल्याउनुपर्ने भएकाले भारतीय सुरक्षाकर्मी एसएसबीको टोकेसो सहनु परेको स्थानीय शिवा कुवँरले बताउनु भयो । हिन्दी भाषा बोल्न नसक्ने गाउँका नागरिकहरुलाई भारतीय सुरक्षाकर्मीले दुःख दिने गरेको स्थानीयहरुको गुनासो छ ।
यस्तै सीमा नाकाहरुमा दुबैतिर महिला प्रहरीको व्यवस्थाका लागि माग गरेका छन् । महिला प्रहरी नहुदाँ सीमा नाकामा चेकजाँचका बाहानामा महिला हिंसा हुने गरेको भन्दै नेपाली महिलाहरुले दुबैतिर महिला प्रहरीको माग गरेका हुन् । दार्चुला जिल्ला सदरमुकाम खलंगा स्थित पुलघाँटमा दुबैतिर महिला प्रहरीको व्यवस्था भएपनि अन्य नाकाहरुमा भने महिला प्रहरीको व्यवस्था गर्न नसकिदाँ महिलाहरुलाई समस्या हुने गरेको महिलाहरुको गुनासो छ ।
यसअघि महाकाली नगरपालिका वडा नम्बर ९ दत्तु सीमा क्षेत्रका नागरिकहरुले महिला प्रहरकिो मा गरेका थिए । पछिल्लो सयम केही दिनअघि व्याँस गाउँपालिका वडा नम्बर ५ धौलाकोट सीमा क्षेत्रका महिलाहरुले महिला प्रहरी व्यवस्था लगायतका सीमा नाकामा आवत् आवत् गर्दा सहज बातावरण सृजनाको माग गरेका थिए ।

भुकम्पीय जोखिम न्युनीकरण गर्न कमद चाल्नु पर्छः विभागीय अधिकृत

दार्चुला समाचार नेपाल रेडक्रस सोसाइटी केन्द्रीय कार्यालय विपद् व्यवस्थापन शाखाका वरिष्ठ अधिकृत डिपिडिआरआरका कार्यक्रम संयोजक भोजराज धिमिरेले

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

महाकाली नदी किनारमा निर्माणाधिक तटबन्धको अनुगमन भ्रमण

दार्चुला समाचार ,, चार वर्षअघिको महाकाली वाढीबाट क्षतिग्रस्त महाकाली नदी किनारमा निर्माणाधिक तटबन्धको अनुगमन भ्रमण गर्ने राज्यमन्त्रीहरुको टोली