वडा कार्यालय भवनमा बर्थिङ सेन्टर उद्घाटन ।। 

नयाँ नेपाल समाचार, दार्चुला ।
देश संघीयतामा गएपछि थुप्रै संरचनाहरु परिबर्तन भएका छन् । यसरी परिबर्तन भएका संरचनाहरु भवन अभावमा कोही भाँडामा सञ्चालन भइरहेका छन् भने कोही अन्य संस्थाको भवनमा सञ्चालन भइरहेका छन् ।
देश संघीयतामा गएपछि देशभरीका ५ विकास क्षेत्र परिबर्तन भएर ७ ओटा प्रदेश निर्माण गरिएको छ भने ७५ जिल्लाको ७७ जिल्ला बनाइएको छ । यस्तै साविकका १४ अञ्चलहरु पनि हराउने देखिएको छ । पछिल्लो समय परिवर्तित संरचनामा अञ्चलको संरचना नै उल्लेख गरिएको छैन । 
यस्तै विगतका स्थानीय निकायहरु स्थानीय तहमा परिबर्तन भएका छन् भने जिल्ला विकास समितिको कार्यालय जिल्ला समन्वय समितिमा परिबर्तन गरिएको छ । यस्ते थुप्रे गाविसहरु वडामा परिबर्तन भएभने केही गाविसहरु मिलाएर स्थानीय तह निर्माण गरिए ।
दार्चुला जिल्लामा मात्रै साविकका ४१ गाविसहरुलाई मिलाएर ९ ओटा स्थानीय तह निर्माण गरिएका छन् भने ६१ वडा बनाइएको छ । दार्चुला जिल्लाका विभिन्न वडा कार्यालयहरु साविकका गाविस भवनमा स्थापित भएका छन् भने बाँकी वडा कार्यालयहरु अन्य संघ संस्थाको भवनमा स्थापित भएका छन् । यस्तै दार्चुला जिल्लाका कतिपय वडा कार्यालयहरु घर भाडामा लिएर समेत सञ्चालन भइरहेका छन् । 
दार्चुला जिल्ला सदरमुकाम खलंगा क्षेत्र समेत समेटिएको महाकाली नगरपालिकासंग समेत आफ्नै भवन अभाव रहेको छ । आफ्नो साघुरो भएको भन्दै महाकाली नगरपालिकाले निजामति कर्मचारी आवास गृहको एउटा भवन प्रयोग गरिरहेको छ । यस्तै दार्चुला जिल्लाका कतिपय स्थानीय तहहरुसंग आफ्नो भवन अभाव झेलिरहेका छन् ।
यस्तै दुहू गाउँपालिका वडा नम्बर ४ को वडा कार्यालय पनि केयर नेपालको सामुदायिक भवनमा स्थापित भएर सेवा प्रबाह गरिरहेको वडा नम्बर ४ का वडाध्यक्ष गोपालसिँह कार्कीले जानकारी दिनुभयो । साविकको गाविस भवन रहेको क्षेत्रमा पछिल्लो समय पुनः निर्माण कार्य भइरहेको वडाध्यक्ष कार्कीले बताउनु भयो । निर्माण कार्य अन्तिम चरणमा पुगेको दुहूँ गाउँपालिका वडा नम्बर ४ को वडा कार्यालयका भवनमा आज स्वास्थ्य चौकी धारीको बर्थिङ सेन्टर उद्घाटन गरिएको छ ।
स्वास्थ्य व्यवस्थापन समिति अध्यक्ष एवं वडा नम्बर ४ का वडाध्यक्ष गोपालसिँह कार्कीको अध्यक्षता एवं दुहूँ गाउँपालिकाका अध्यक्ष पुलेन्द्र बहादुर कार्कीको प्रमुख आतिथ्यतामा उद्घाटन गरिएको हो । गाउँपालिकाका उपाध्यक्ष ईश्वरी जोशी र वडा नम्बर ५ का वडाध्यक्ष दौलतसिँह महर विशिष्ट अतिथि रहेको स्वास्थ्य चौकी धारीका स्वास्थ्य चौकी प्रमुख मोहनसिँह धामीले जानकारी दिनुभयो ।
आज आकस्मिक कोष समेत स्थापना गरिएको छ । आर्थिक स्थिति कमजोर भएका सेवाग्राहीहरुलाई सहयोग गर्ने उद्देश्यले कोषको स्थापना गरिएको नयाँ नेपाल सहकर्मी मानसिँह डडालले खबर पठाउनु भएको छ ।
 

भुकम्पीय जोखिम न्युनीकरण गर्न कमद चाल्नु पर्छः विभागीय अधिकृत

दार्चुला समाचार नेपाल रेडक्रस सोसाइटी केन्द्रीय कार्यालय विपद् व्यवस्थापन शाखाका वरिष्ठ अधिकृत डिपिडिआरआरका कार्यक्रम संयोजक भोजराज धिमिरेले

त्रिदेशीय सिमानामा पैतिस वर्षदेखि परम्परागत व्यापार भारत मालामाल, नेपाल सुन्य

दार्चुला समाचार  नेपाल, भारत र चीनको त्रिदेशीय सीमा क्षेत्रमा ३५ वर्षदेखि परम्परागत व्यापार चल्दैआएको छ । भारत र चीनबीच चल्दैआएको यस्तो व्यापार

अख्तियार दुरुपयोग अनुसन्धान आयोगमा दार्चुलाबाट २ सय २३ उजुरी दर्ता

दार्चुला समाचार, अख्तियार दुरुपयोग अनुसन्धान आयोगमा दार्चुला जिल्लाबाट २ सय २३ मुद्धा तथा उजुरीहरु परेका छन् । आयोगको स्थापना कालदेखी २०७४ साल मंसीर

महाकाली नदी किनारमा निर्माणाधिक तटबन्धको अनुगमन भ्रमण

दार्चुला समाचार ,, चार वर्षअघिको महाकाली वाढीबाट क्षतिग्रस्त महाकाली नदी किनारमा निर्माणाधिक तटबन्धको अनुगमन भ्रमण गर्ने राज्यमन्त्रीहरुको टोली