रेडियो नयाँ नेपाल एफ.एम १०४.५ मेगाहेर्ज़
अपि नगरपालिका-११, दार्चुला नेपाल

Tuesday, 2017 Aug 2217:23:43 NST

अहिले तरंग

नेपाल खवर

केहि क्षणमा

लोक दोहरी गीतहरु

News

image not found

एक लाख ६१ हजार मुसा मारेर पुरस्कृत

 बंगलादेशका एक कृषकले वर्षमा एक लाख ६१ हजारभन्दा बढी मुसा मारेर पुरस्कार प्राप्त गरेका छन् । बंगलादेशी कृषक अब्दुल खालेक मिरबोहोरले एक वर्षमा एक लाख ६१ हजार दुई सय २० वटा मुसा मारेर २० हजार टाका अर्थात् १५५ पाउन्ड रकम पुरस्कारस्वरुप प्राप्त गरेका हुन् । क्षेत्रीय कृषि कार्यालयले अब्दुलबाट उक्त संख्यामा मुसा मारिएको पुष्टि गरेको हो । एक अभियान अन्तर्गत उनले वर्षभरी मुसा मारेको र मारिएका मुसाका पुच्छर स्थानीय कृषि कार्यालयलाई प्रमाणस्वरुप बुझाएको बताइन्छ । सोही आधारमा उनी बंगलादेशमै सर्वाधिक मुसा मार्ने कृषकका रुपमा पुरस्कृत भएका हुन् । मुसाले वार्षिक रुपमा ठूलो परिमाणमा अन्न खाने र नोक्सान गर्ने क्रम बढेपछि सरकारले नै मुसा मार्ने अभियानलाई प्रोत्साहन गरेको हो । पुरस्कार वितरणका लागि आयोजित कार्यक्रममा अब्दुललाई ‘मुसाको हत्यारा’ का रुपमा प्रस्तुत गरिएको थियो । उनले धेरैजसो महिला स्वयंसेवकलाई मुसा मार्ने अभियानमा परिचालन गरेका थिए । गहुँ तथा धान खेतमा मुसा मार्ने र मारिएका मुसाको पुच्छर संकलन गरी स्थानीय कृषि कार्यालयमा बुझाउने गरेको उनले बताए । ५५ वर्षीय अब्दुलले मुसा मार्ने काम सन् १९९६ देखि नै गर्दै आएको बताए । उनले मुसा देश र जनताकै दुश्मन भएको बताए । बंगलादेशमा डेढ मिलियनदेखि दुई मिलियनसम्म खाद्यान्न वार्षिक रुपमा मुसाले नष्ट गर्दै आएको सरकारी अधिकारीहरु बताउँछन् । (एजेन्सी)

सामाजिक संजाल

More

भिडियोहरु