News

एउटा बिस्कुटको मूल्य २३ लाख

विश्व चर्चित समुद्री जहाज टाइटनिकको लाइफबोटमा रहेको एउटा बिस्कुट १५ हजार पाउण्ड स्टर्लिङ अर्थात २३ लाख ८७ हजार नेपाली रुपैयाँमा बिक्री भएको छ । स्पिलर एण्ड बेकर्स पाइलट नाम गरेको त्यो बिस्कुट लिलामीको क्रममा १५ हजार पाउण्ड स्टर्लिङमा बिक्री भएको लिलामिकर्ता एन्ड्रयु अलब्रिजले बताए । यो बिस्कुट विश्वकै सबै भन्दा महंगो बिस्कुट बनेको छ । यो बिस्कुट ग्रिएका एक व्यक्तिले किनेका हुन् । ठूलो आकारको समुद्री हजार टाइटनिक बेलायतको साउथह्यामप्टनबाट अमेरिकको न्युयोर्क जाने क्रममा सन् १९१२ को अप्रिल १५ मा दुर्घटनाग्रस्त भएको थियो । समुद्रमा रहेको आइसबर्गमा ठोक्किएपछि टाइटनिक समुद्रमै डुबेको थियो । लिलामी भएको बिस्कुटलाई टाइटनिकका एक यात्रुले लाइफबोटमा राखेका थिए । यस्तै टाइटनिक ठोक्किएको आइसबर्ग (हिमपहाड) को तस्बिरको पनि लिलामी भएको छ ।

सामाजिक संजाल

More

भिडियोहरु