रेडियो नयाँ नेपाल एफ.एम १०४.५ मेगाहेर्ज़
अपि नगरपालिका-११, दार्चुला नेपाल

Tuesday, 2017 Aug 2217:23:43 NST

अहिले तरंग

नेपाल खवर

केहि क्षणमा

लोक दोहरी गीतहरु

News

image not found

दार्चुलामा आत्महत्याका घटनामा बृद्धि, एक हप्ताकै अवधीमा आत्महत्याका पाँचवटा घटना घटे

दार्चुला समाचार 
दार्चुलामा आत्महत्याका घटनामा बढेका छन् । एक हप्ताकै अवधीमा दार्चुलामा ४ वटा घटना घटेको जिल्ला प्रहरी कार्यालय दार्चुलाको तथ्याङ्क रहेको छ । कार्तिक महिनाको २५ गते यता चार जनाले आत्महत्या गरेका छन् भने एक जनाले आत्महत्याको प्रयास गरेको जिल्ला प्रहरी कार्यालय दार्चुलाले जनाएको छ । आज मात्रै दत्तू गाविस वडा नम्बर ९ बस्ने देबसिह खातीकी श्रीमती तारादेबी खाँतीले महाकाली नदिमा हाम फाली आत्म हत्या गरेकी छिन् । त्यसैगरी आजै दार्चुलाको सिप्टी गाविस वडा नम्बर ४ घोडेधार जंगलमा पुरनसिह धामीका १७ बर्षिया छोरा श्यामसिह धामी रुखमा झुण्डिएको अवस्थामा फेला परेका छन् । त्यसैगरी कार्तिक २६ गते भगवती गाविस वडा नम्बर ८ निवासी शंकरसिह धामीकी १८ बर्षिया छोरी हिरा धामीले रुखमा झुण्डिएर आत्महत्या गरेकी छिन् । कार्तिक  २३ गते खरकडा गाविस बुढाकोट बस्ने दामोदर जोशीले महाकाली नदिमा हाम फालेर आत्म हत्या गरेका छन् । त्यसैगरी कार्तिक २५ गते हुनैनाथ गाविस वडा नम्बर ९ बस्ने जितसिह धामीकी श्रीमती मानमती धामीले घर नजिकै आत्महत्या गर्ने बेला थाहा पाएपछि ज्यान जोगीएको जिल्ला प्रहरी कार्यालय दार्चुलाले जनाएको छ । यसरी एक हप्ताको अवधिमा जिल्लामा यसरी आत्म हत्याका घटना बढ्नुमा विभिन्न कारण भएको भएपनि मूख्य गरी जनचेतना अभावको कारण बढी रहेको छ । यसका लागि सरोकारवाला सबैले सचेत हुनुपर्ने बेला आएको छ । 
 

सामाजिक संजाल

More

भिडियोहरु