रेडियो नयाँ नेपाल एफ.एम १०४.५ मेगाहेर्ज़
अपि नगरपालिका-११, दार्चुला नेपाल

Tuesday, 2017 Apr 2517:23:43 NST

अहिले तरंग

हुक्का चिलीम

केहि क्षणमा

बिबिसी नेपाली सेवा

News

भट्टराईलाई साम्राज्यवादीले प्रयोग गरेको महराको आरोप

एकिकृत नेकपा माओवादीका महासचिव कृष्णबहादुर महराले नयाँ शक्ति निर्माणको लहडमा लाग्दा डा. बाबुराम भट्टराईलाई साम्राज्यवादी र विस्तारवादीहरुले उपयोग गरेको आरोप लगानुभएको छ । मंगलबार गोरखामा भएको अन्तक्र्रिया कार्यक्रममा महराले संविधान निर्माणको जस पाउन नसक्ने देखेर भट्टराईले पार्टी छोडेर हिँडेकोसमेत आरोप लगानुभयो । भट्टराईले भनेजस्तो नयाँ शक्ति शहरकेन्द्रित मध्यमवर्गीय नागरिकलाई समेट्ने खालको मात्रै हुने महराले बताउनुभयो । संविधान निर्माणपछि नयाँ शक्ति बन्नु र बनाउनु स्वाभाविक भएपनि भट्टराई साम्राज्यवादी र विस्तारवादीको असल प्रतिनिधिका रुपमा देखिन थालेको उहाँको आरोप छ ।भट्टराईको नयाँ शक्तिको बहसमा भाग लिन गएका भनिएका केही नेता एकिकृत माओवादीमै फर्कन चाहेको पनि महराको दावी छ । भट्टराईले पार्टी छोडेपनि सांगठनिक रुपमा त्यति धेरै अप्ठ्यारो नपरेको महासचिव महराले बताउनुभयो । महासचिव महराले नयाँ संविधान कार्यान्वयनमा भारत मुख्य वाधकका रुपमा देखिएको समेत बताउनुभयो । संविधान कार्यान्वयनमा मुख्य ३ वटा चुनौती रहेको भन्दै उहाँले नेपालमा अहिले विकसित राजनीतिक घटनाक्रममा भारतको साथ नदेखिनुलाई संविधान कार्यान्वयनको चुनौतिको रुपमा व्याख्या गर्नुभएको हो । संसदको सबभन्दा ठूलो दल नेपाली कांग्रेस प्रमुख प्रतिपक्षीका रुपमा रहेको अवस्थामा पनि संविधान कार्यान्वयनले गति लिन नसक्ने उहाँको भनाई छ । काँग्रेसको सहभागीताबिना मधेसकेन्द्रित दलका माग सम्बोधन गर्ने गरि संविधान संशोधन गर्न समेत नसकिने अप्ठ्यारो अवस्था रहेको महराले बताउनुभयो ।

सामाजिक संजाल

More

भिडियोहरु